ନୁଆଖାଇ
ଘରଟା ମଡା ପିଠାର ବାସନା ରେ ମହକୀ ଯାଉଛେ | ମାଁ, ବଡ଼ମା, କାକୀ, ବହୁ ସମସ୍ତେ ରନ୍ଧାଘରେ ଠୁଲ୍ | ବନେ ଦିନ ଉତାରୁ ଘରେ ଭିଡ଼ ଜମିଛେ | ଘରେ ଆଜି ସମସ୍ତେ ଖୁସ୍ | ବନେ ଦିନ ଉତାରୁ ଆଜି ଘରେ ନୁଆଖାଇ ହଉଛେ | "ନୁଆଖାଇ ଯୁହାର , ନୁଆଖାଇ ଯୁହାର " - ଯିଏ ଯାହାକେ ଦେଖଲେ କହୁଛନ୍ | କେତେ ଉସତ୍ ଲାଗୁଛେ, ଆଜି ନୁଆଖାଇ, କେତେ ରକମର ଖାନା ମିଲବା |
ଟିଂଗ୍ ଟିଂଗ୍ - ଟିଂଗ୍ ଟିଂଗ୍ --- ଘଡି ରେ ଅଲାର୍ମ୍ ବାଜଲା | କେଡେ ସୁନ୍ଦର ସପନ୍ ଦେଖୁଥିଲି, ଭାଂଗୀଗଲା | ଏତକୀ ଦୁରେ ଥାଇ କରି ବି ଆଜି ନୁଆଖାଇ ର ସପନ୍ ଦେଖୁଛେଁ |
ସେଆଡୁ ମିସେସ୍ ରଡିକରି ପଚରାଲେ - "ହଏଗୋ, ଆଜି ଲଂଚ୍ ରେ କାନା ନେବ? ପାସ୍ତା କି ନୁଡୁଲସ୍ ?"
-
ପ୍ରେମ ନେପାକ୍
No comments:
Post a Comment